ممبئی (اصل میڈیا ڈیسک) بالی ووڈ اداکار ٹائیگر شروف کی نئی فلم کا پوسٹر ہالی ووڈ فلم ’’ہٹ مین‘‘ کی کاپی نکلا ہے۔
سال 2014ء میں فلم ’’ ہیرو پنٹی ‘‘ سے ڈیبیو کرنے والے ٹائیگر شروف اب تک کئی ایکشن فلمیں کرچکے ہیں اور اب وہ ایک بار پھر اپنی ہی ڈیبیو فلم کے سیکوئل میں دھماکے دار انٹری دے رہے ہیں جس کا پوسٹر انہوں نے شیئر بھی کر دیا ہے۔
ٹائیگر شروف نے اپنی سالگرہ کے موقع پر ’’ہیرو پنتی ٹو‘‘ کا پوسٹر جاری کیا جس میں وہ گاڑی کی چھت پر بیٹھے دونوں ہاتھوں میں پسٹل لیے نظر آرہے ہیں۔ تصویر کے ساتھ انہوں نے کیپشن میں یہ بھی لکھا کہ ’’میرا پہلا پیار واپس آگیا ہے ایکشن اور تھرل سے بھرپور ایسی فلم اس سے قبل نہیں دیکھی ہوگی‘‘۔
ٹائیگر شروف کی جانب سے شیئر کردہ پوسٹر کو سوشل میڈیا صارفین نے ہالی ووڈ فلم ’’ہٹ مین ایجنٹ 47‘‘ کی کاپی قرار دیا ہے۔
کچھ صارفین نے تو فلم کے پوسٹر میں استعمال کی جانے والی تصویر پر شدید تنقید کی اور کہا کہ یہی تصویر باغی تھری میں بھی استعمال کی گئی تھی۔
مار نامی صارف نے طنز کرتے ہوئے لکھا کہ فلم باغی تھری اور ہیرو پنتی کا پوسٹر دیکھ کر یہی لگا کہ ٹائیگر کی دونوں فلمز کے پوسٹر میں چہرے کے ایک ہی تاثرات ہیں لیکن میں غلط تھا کیوں کہ انہوں نے پرانی ہی تصویر پر ایڈیٹنگ کرکے نئی پوسٹ میں شامل کردی ہے۔
ارجن کپور فوٹو گرافر پر غصے میں آپے سے باہر ہو گئے
ایما زون نے بھارتی انتہا پسندوں کے سامنے گھٹنے ٹیک دیے
