پشاور (اصل میڈیا ڈیسک) سینیٹ انتخابات پر پشاور میں سکیورٹی ہائی الرٹ کر دی گئی ہے، 274 اہلکار اسمبلی کے اندر اور اطراف میں خدمات سر انجام دینگے۔
کیپٹل سٹی پولیس پشاور نے سینیٹ انتخابات کے لئے سیکیورٹی پلان جاری کردیا۔ ایس ایس آپریشنز یاسر آفریدی کے مطابق سینیٹ انتخابات کیلئے پشاور پولیس کے کم و بیش 274 اہلکار اور افسران ڈیوٹی کے فرائض سرانجام دینگے، شہر کے داخلی و خارجی راستوں پر خصوصی ناکہ بندیاں قائم کی گئی ہیں، شہر میں موبائل اور رائیڈرز اسکواڈ کی گشت میں بھی اضافہ کردیا گیا ہے۔
انہوں نے کہا کہ فول پروف سیکیورٹی کی خاطر حساس اور اہم مقامات، سرکاری املاک و دفاتر کی بکتر بند گاڑیوں کے ذریعے نگرانی کی جائے گی، سیکیورٹی پلان کے تحت فول پروف سکیورٹی کی خاطر لیڈیز پولیس بھی خدمات انجام دیں گی۔
سیکیورٹی پلان کے مطابق کسی بھی ہنگامی صورتحال سے نمٹنے کیلئے کوئیک رسپانس کمانڈوز کو خصوصی ذمہ داریاں تفویض کی گئی ہیں، سماج دشمن عناصر اور دیگر جرائم پیشہ عناصر پر بھی خصوصی نظر رکھنے کی ہدایت کی گئی ہے، تمام سیکیورٹی انتظامات کمانڈ اینڈ کنٹرول سینٹر سے مانیٹر کیے جائیں گے۔
سینیٹ الیکشن کیلیے قومی و صوبائی اسمبلی میں پولنگ جاری
قومی اسمبلی، انسداد بدعنوانی ایکٹ 1947 میں سزائیں بڑھانے کا بل منظور
