کوئٹہ (اصل میڈیا ڈیسک) بلوچستان کے ضلع ہرنائی کے علاقے طور غر میں کوئلے کی کان بیٹھ گئی جس سے کان میں پھنسے تمام 7 کان کن جاں بحق ہوگئے۔
چیف مائنز انسپکٹر شفقت فیاض نے بتایا کہ کاربن مونو آکسائیڈ گیس بھر جانے کے باعث کان میں دھما کا ہوا تھا جس سے کان کا بڑا حصہ بیٹھ گیا تھا۔
واقعے کی اطلاع ملنے پر ریسکیو ٹیموں نے کارروائی شروع کردی اور تمام لاشیں نکال کر ریسکیو آپریشن مکمل کرلیا۔
سیکرٹری معدنیات نے واقعے کی تحقیقات اور غفلت برتنے پر کان کے مینیجر اور ٹھیکیدار کے خلاف مقدمہ درج کرانے کا حکم دے دیا ۔
واضح رہے کہ بلوچستان میں ایک ہفتے کے دوران گیس بھرجانے کے باعث ہونے والے دھماکے سے کان بیٹھنے کایہ دوسرا واقعہ ہے، چار روز قبل مار واڑ کےعلاقے میں کوئلہ کان بیٹھ جانے سے 6 کان کن جاں بحق ہو گئے تھے۔
لاپتا عاصمہ کے والد کی چیف جسٹس سے بیٹی کی بازیابی کی اپیل
2024 ء تک 90 لاکھ بچوں کو اسکولوں میں لانے کا ہدف، پرائمری پاس پر 3 ہزار اعزازیہ
