لاہور (اصل میڈیا ڈیسک) ملک میں کورونا سے مزید 61 افراد ہلاک ہو گئے اور 3400 سے زائد کیسز رپورٹ ہوئے ہیں۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 44377 ٹیسٹ کیے گئے جن میں سے 3495 افراد میں کورونا وائرس کی تصدیق ہوئی جب کہ وائرس سے 61 ہلاکتیں ہوئیں۔
سرکاری پورٹل کے مطابق ملک گزشتہ 24 گھنٹوں کے دوران کورونا کے مثبت کیسز کی شرح 7.8 رہی۔
سرکاری پورٹل کے مطابق ملک میں کورونا سے ہلاکتوں کی تعداد 13717 ہوگئی ہے اور مجموعی کیسز 6 لاکھ 15810 تک جاپہنچے ہیں جب کہ فعال کیسز کی تعداد 24592 ہے۔
اس کے علاوہ 24 گھنٹوں کے دوران ملک بھر میں 1634 مریض کورونا سے صحتیاب بھی ہوئے ہیں جس کے بعد مجموعی طور پر صحتیاب ہونے والوں کی تعداد 577501 ہوگئی ہے۔
سرکاری پورٹل کے مطابق سندھ میں کورونا کے مریضوں کی مجموعی تعداد 262207 ہوگئی ہے جب کہ 4469 افراد اب تک انتقال کرچکے ہیں۔
پنجاب میں کورونا کے کل مریضوں کی تعداد 191186 ہے اور 5896 افراد وائرس میں مبتلا ہوکر جان سے جاچکے ہیں جب کہ بلوچستان میں مریضوں کی کل تعداد 19269 اور ہلاکتیں 202 ہوچکی ہیں۔
خیبرپختونخوا میں کورونا کے مریضوں کی تعداد 77443 اور 2188 ہلاکتیں ہوچکی ہیں جب کہ آزاد کشمیر میں 11264 افراد وائرس میں مبتلا ہوچکے ہیں اور 328 افراد انتقال کرگئے۔
اس کے علاوہ گلگت بلتستان میں اب تک کورونا کے مریضوں کی تعداد 4965 اور 103 افراد انتقال کرچکے ہیں۔
پورٹل کے مطابق وفاقی دارالحکومت اسلام آباد میں کورونا کے مریضوں کی مجموعی تعداد 49476 ہے اور اب تک 531 مریض انتقال کرچکے ہیں۔
واوڈا نااہلی کیس: ہم شکل یا جماعت دیکھ کر فیصلہ نہیں کرتے، الیکشن کمیشن
اسلام آباد: رواں سال کے دوران ایک روز میں کورونا کے سب سے زیادہ کیسز
