کراچی (اصل میڈیا ڈیسک) سندھ اسمبلی میں قائد حزب اختلاف اور پاکستان تحریک انصاف کے رہنما حلیم عادل شیخ کو رہا کر دیا گیا۔
حلیم عادل شیخ کو سندھ ہائیکورٹ سے ضمانت منظور ہونے کے بعد رہا کیا گیا، حلیم عادل شیخ کو جناح اسپتال سے رہا کیا گیا۔
حلیم عادل شیخ کا کہنا تھا کہ رہائی کے بعد سب سے پہلے اپنےکارکنان سے ملنے جیل جاؤں گا، میرے چار کارکنان جیل میں ہیں ان سے ملاقات کروں گا۔
خیال رہے کہ پاکستان تحریک انصاف کے رہنما حلیم عادل شیخ کو کراچی میں ہونے والے ضمنی الیکشن اور تجاوزات کے خلاف آپریشن کے دوران کار سرکار میں مداخلت پر گرفتار کیا گیا تھا۔
بائیڈن کی عالمی رہنماؤں کو ‘کلائمیٹ سمٹ‘ میں شرکت کی دعوت
’سینیٹ میں اپوزیشن لیڈر کو باپ کے لوگوں نے باپ کے کہنے پر ووٹ دیا‘
