بلوچستان (اصل میڈیا ڈیسک) کوئٹہ میں کورونا کی شرح میں خطرناک حد تک اضافہ ہو رہا ہے اور مثبت کیسز کی شرح 12 فیصد سے بھی تجاوز کرگئی ہے۔
محکمہ صحت کے مطابق کوئٹہ میں کورونا کی تشخیص کے لیے 129 ٹیسٹ کیے گئے اور 16 افراد میں کورونا کی تشخیص ہوئی۔
محکمہ صحت کے مطابق بلوچستان میں گزشتہ 24 گھنٹوں کے دوران کورونا کے 19 نئے مریض سامنے آئے جب کہ وائرس میں مبتلا ایک اور مریض جان کی بازی ہار گیا جس کے بعد صوبے میں کورونا کے پھیلاؤ کی شرح بڑھ کر 5.1 فیصد ہو گئی ہے۔
محکمہ صحت کی رپورٹ کے مطابق گزشتہ روز صوبے میں 367 افراد کے کورونا ٹیسٹ کیے گئے جس کے نتیجے میں کوئٹہ سے 16 اور ژوب سے 3 کیسز رپورٹ ہوئے، نئے کیسز سامنے آنے کے بعد صوبے میں کورونا وائرس سے متاثر ہونے والوں کی مجموعی تعداد 19 ہزار 576 ہو گئی۔
رپورٹ میں بتایا گیا ہے کہ 24 گھنٹوں کے دوران کورونا میں مبتلا ایک اور مریض انتقال کرگیا جس کے بعد کورونا سے انتقال کرجانے والوں کی تعداد 208 ہو گئی ہے۔
سندھ حکومت آئی جی سندھ سے ناراض ہو گئی
پاکستان میں ٹک ٹاک پر عائد پابندی ختم
