سعودی عرب (اصل میڈیا ڈیسک) سعودی عرب اور مصر نے غزہ کی پٹی میں حماس اور اسرائیل کے درمیان فوری جنگ بندی کا مطالبہ کیا ہے۔
سعودی وزیر خارجہ شہزادہ فیصل بن فرحان نے مصری ہم منصب سامح شکری سے ٹیلی فون پر بات چیت کی ہے اور ان سے غزہ کی کشیدہ صورت حال پر تبادلہ خیال کیا ہے۔
سعودی عرب کی جانب سے جاری کردہ ایک سرکاری بیان کے مطابق دونوں وزرائے خارجہ نے غزہ میں فوری جنگ بندی کی ضرورت پر زوردیا ہے۔سامح شکری نے بتایا ہے کہ مصر فلسطینی علاقے میں لڑائی رکوانے کے لیے بات چیت کررہا ہے۔
بیان کے مطابق دونوں وزرائے خارجہ نے عالمی برداری سے بھی مطالبہ کیاہے کہ ’’وہ اسرائیل کی فلسطینی عوام کے خلاف جارحانہ کارروائیوں کو رکوائے۔‘‘
اسرائیل نے غزہ میں میڈیا دفاتر پر مشتمل ایک اور کثیر منزلہ عمارت تباہ کر دی
امریکی صدر بائیڈن کا محمود عباس سے پہلا رابطہ؛ غزہ، اسرائیل تنازع کے خاتمہ پر زور
