اسلام آباد (اصل میڈیا ڈیسک) ملک میں کورونا سے مزید 76 افراد انتقال کر گئے جب کہ گزشتہ 24 گھنٹوں میں مثبت کیسز کی شرح 3.1 رہی۔
پاکستان میں کورونا کے اعداد و شمار بتانے والی ویب سائٹ (covid.gov.pk) کے مطابق گزشتہ 24 گھنٹوں کے دوران ملک بھر میں کورونا کے 41824 ٹیسٹ کیے گئے جن میں سے 1303 افراد میں کورونا وائرس کی تصدیق ہوئی جب کہ وائرس سے 76 ہلاکتیں ہوئیں۔
سرکاری پورٹل کے مطابق ملک میں گزشتہ 24 گھنٹوں کے دوران کورونا کے مثبت کیسز کی شرح 3.1 فیصد رہی۔
ملک میں کورونا سے اب تک مجموعی طور پر اموات کی تعداد 21529 ہوگئی اور کل کیسز کی تعداد 9 لاکھ 37 ہزار 434 ہوچکی ہے جب کہ اب تک وائرس سے 8 لاکھ 71 ہزار 669 افراد صحتیاب بھی ہوئے ہیں۔
کورونا پابندیوں میں نرمی کا اعلان، کاروبار صرف ایک دن بند ہوگا
گڈانی میں کھڑے آئل ٹینکر سے خطرناک مواد غائب کرنے اور ثبوت مٹانے کی اطلاعات
