اسلام آباد (اصل میڈیا ڈیسک) ملک میں ذی الحج کا چاند نظر نہیں آیا جس کے بعد عید 21 جولائی کو ہو گی۔
ذی الحج کا چاند دیکھنے کیلئے مرکزی رویت ہلال کمیٹی کا اجلاس چیئرمین مولانا عبد الخبیر آزاد کی زیر صدارت کراچی میں ہوا۔
اجلاس میں محکمہ موسمیات کے حکام نے بھی شرکت کی۔
اجلاس کے بعد مرکزی رویت ہلال کمیٹی کے چیئرمین مولانا عبدالخبیر نے اعلان کیا کہ ملک بھر میں کسی بھی مقام پر چاند نظر آنے کی شہادت موصول نہیں ہوئی جس کے بعد اتفاق رائے سے فیصلہ کیاگیا ہے کہ یکم ذی الحج پیر 12 جولائی کو ہوگی۔
ان کا کہنا تھاکہ ملک میں عید الاضحیٰ 21 جولائی بدھ کو ہوگی۔
چیئرمین رویت ہلال کمیٹی کے مطابق ملک بھر میں اکثر علاقوں میں مطلع صاف رہا، کہیں ابرآلود بھی رہا۔
محکمہ موسمیات نے پاکستان کی پہلی کمپیوٹرائزڈ دوربین لگائی جسے چاند دیکھنے کیلئے استعمال کیا گیا۔
افغانستان میں بھارتی سرمایہ کاری ڈوبتی نظر آ رہی ہے، ترجمان پاک فوج
خیبرپختونخوا میں سیاسی رہنماؤں اور اہم شخصیات سے سیکیورٹی واپس لے لی گئی
