کوئٹہ (اصل میڈیا ڈیسک) مغربی بائی پاس پر سی ٹی ڈی کے آپریشن میں 5 مبینہ دہشتگرد ہلاک ہو گئے۔
محکمہ انسداد دہشتگردی ( سی ٹی ڈی) کے مطابق پانچوں دہشتگرد فائرنگ کے تبادلے میں مارے گئے جب کہ ان کے زیر استعمال کمپاؤنڈ سے اسلحہ وگولہ بارود برآمد کرلیا گیا ہے۔
دوسری جانب کوئٹہ کے مشرقی بائی پاس پر دکان کے قریب دستی بم حملے میں ایک نوجوان جاں بحق اور 7 افراد زخمی ہو گئے۔
پولیس کے مطابق مشرقی بائی پاس پر شیرجان اسٹاپ پر ایک دکان کے قریب پاکستانی پرچم فروخت کرنے والی ریڑھی پر نامعلوم افراد نے دستی بم پھینک دیا جو زوردار دھماکے سے پھٹ گیا۔
پولیس کا کہنا ہے کہ دستی بم حملے میں وہاں موجود امان اللہ نامی نوجوان جاں بحق ہوا جب کہ 7 زخمیوں کو سول اسپتال منتقل کر دیا گیا۔
جہانگیر ترین کی درخواست پر حکومت کو شوگر ملز کیخلاف کارروائی روکنے کا حکم
مارگلہ ہلز نیشنل پارک میں تجاوزات پر نیوی اور ائیر فورس کے خلاف کارروائی کا حکم
