اسلام آباد (اصل میڈیا ڈیسک) وفاقی وزیر تعلیم نے 16 ستمبر جمعرات سے ملک بھر میں تمام تعلیمی ادارے کھولنے کا اعلان کر دیا۔
وفاقی وزیر تعلیم شفقت محمود نے ٹوئٹ کرتے ہوئے کہا کہ میں یہ بتاتے ہوئے خوشی محسوس کررہا ہوں کہ 16 ستمبر سے تمام تعلیمی ادارے کھل جائیں گے۔
این سی او سی نے کورونا وائرس کا پھیلاؤ روکنے کے لیے ملک بھر کے 24 حساس اضلاع میں تعلیمی ادارے بند کیے تھے۔
علاوہ ازیں وفاقی وزیر تعلیم شفقت محمود کی زیر صدارت تعلیمی منصوبوں سے متعلق اجلاس ہوا جس میں ارکان قومی اسمبلی سمیت وزیراعظم کے معاونِ خصوصی علی نواز اعوان نے بھی شرکت کی۔ اجلاس میں یکساں قومی نصاب، وفاقی تعلیمی اداروں کے مسائل اور دیگر امور پر تبادلہ خیال کیا گیا۔
گزشتہ روز بین الصوبائی وزرائے تعلیم کانفرنس میں حکومت نے دسویں اور بارہویں کلاس کے تمام طلبا کو پاس کرنے کا فیصلہ بھی کیا ہے۔ حکومت کا کہنا ہے کہ کورونا صورتحال کے باعث دوبارہ فوری امتحانات ممکن نہیں اور فیل ہونے والے طلبا کو رعایتی 33 نمبرز دے کر پاس کیا جائے گا۔
زندہ دلان لاہور نے ووٹ کی طاقت سے جعلی تبدیلی کو رد کر دیا، مریم نواز
1.2 ارب ڈالر مارکیٹ میں پھیلانے کے باوجود روپیہ بے قدر
