کراچی (اصل میڈیا ڈیسک) پاکستان کی ابھرتی ہوئی اداکارہ و ماڈل مشال خان کو تیزاب حملے کی دھمکی دی گئی ہے۔
اداکارہ نے یہ انکشاف انسٹاگرام پر پوسٹ کردہ اسٹوری کے ذریعے کیا جس میں انہوں نے بتایا کہ ہیر حلیمہ نامی خاتون کے نام سے بنے اکاؤنٹ نے ان پر تیزاب پھینکنے کی دھمکی دی ہے۔
خاتون صارف نے کمنٹ میں صارفین سے اداکارہ پر تیزاب پھینکنے کی مدد طلب کی اور ساتھ ہی مشال کو فحش قرار دیا۔
خاتون نے کمنٹ میں لکھا کہ مشال خان فحش ہیں، ان جیسی خواتین کو معاشرے سے ختم کر دینا چاہیے، ان پر تیزاب سے حملہ کرنا چاہتی ہوں، کوئی اس معاملے میں میری مدد کرے۔
مشال خان نے خاتون کی دھمکی کو خوفناک قرار دیتے ہوئے غم و غصے کا اظہار کیا اور کہا کہ ایسے لوگ اپنی شناخت ظاہر نہ کرتے ہوئے دھمکیاں اور تبصرے کرتے ہیں۔
اداکارہ کی جانب سے یہ بھی بتایا گیا کہ انہوں نے اس گھمبیر معاملے میں ایف آئی اے سائبر کرائم کو شکایت درج کروا دی ہے۔
ٹی ٹی پی، القاعدہ، بھارتی و افغان شہریوں کے پاس پاکستانی شناختی کارڈ کی موجودگی کا انکشاف
پاکستان میں سونے کی قیمت میں میں اضافہ
