کورونا ویکسین نہ لگوانے والے افراد کل سے پابندیوں کی زد میں آجائیں گے

Corona Vaccination Certificate

اسلام آباد (اصل میڈیا ڈیسک) عالمی وبا کورونا سے بچاؤ کی ویکسین نہ لگوانے والوں کو کل یعنی یکم اکتوبر سے مزید مشکلات کا سامنا کرنا پڑے گا۔

انسداد کورونا کے ادارے نیشنل کمانڈ اینڈ آپریشن سینٹر (این سی او سی) نے غیر ویکسین شدہ افراد پر پابندیوں کے حوالے سے خبردار کردیا ہے۔

این سی او سی نے خبردار کیا ہے کہ 30 ستمبر کے بعد غیر ویکسین شدہ افراد پر پابندیاں لاگو ہوجائیں گی۔

وہی افراد کل سے ہوائی جہاز اور ریل گاڑی میں بیٹھ سکیں گے جن کے پاس ویکسی نیشن سرٹیفکیٹ ہو گا۔

مزید برآں ویکسی نیشن نہ کرانے والے افراد شادی بیاہ کی تقریب، شاپنگ مال، ہوٹل اور گیسٹ ہاؤس میں بھی داخل نہیں ہو سکیں گے۔

دوسری جانب وزیر اعظم عمران خان کے معاون خصوصی برائے صحت ڈاکٹر فیصل سلطان کا کہنا ہے کہ حاملہ خواتین بھی ویکسین لگوائیں۔

انھوں نے کہا کہ تعلیمی سرگرمیاں جاری رکھنے کے لیے بچوں کی ویکسی نیشن بھی ضروری ہے۔

Nasir Mehmood - Chief Editor at GeoURDU.com