فیصل آباد (اصل میڈیا ڈیسک) حکومت کی جانب سے پابندی کے باوجود بس اڈوں پر کورونا ویکسین سرٹیفکیٹ کی باقاعدہ جانچ پڑتال شروع نہیں ہو سکی۔
کورونا وبا میں کمی کے ساتھ فیصل آباد جنرل بس اسٹینڈ کی رونقیں لوٹ آئی ہیں اور دوسرے شہروں کو جانے والی بسوں میں مسافروں کی تعداد بڑھنا شروع ہو چکی ہے تاہم حکومت کی جانب سے سفر کرنے والوں کے لیے کورونا ویکسین لگوانے کے سرٹیفکیٹ کی جانچ پڑتال کا انتظام نظر نہیں آرہا۔
فیصل آباد کے جنرل بس اسٹینڈ پربھی ہزاروں مسافروں کا ویکسی نیشن سرٹیفکیٹ چیک کرنے کا کوئی انتطام موجود نہیں۔
جنرل بس اسٹینڈ انتظامیہ کا کہنا ہے کہ ٹرانسپورٹ عملے کے ویکسی نیشن سرٹیفکیٹ کو 100 فیصد یقینی بنایا گیا ہے جب کہ مسافروں کی جانچ پڑتال کا عمل کچھ مشکلات کا شکار ہے، ڈرائیور کنڈیکٹر کے ویکسین سرٹیفکیٹ کی موجودگی میں ہی ان کے بس میں سوار ہونے کو یقینی بنارہے ہیں۔
این ایل ای امتحان کیخلاف احتجاج کیلئے ڈاکٹرز اسلام آباد روانہ
اسلام آباد اور خیبر پختونخوا میں ڈینگی کے کیسز کی تعداد میں اضافہ
