امریکا (اصل میڈیا ڈیسک) امریکا نے افغان شہریوں کے انخلا اور بیرون ملک منتقلی کی ذمہ داری سابق خاتون سفارتکار اے الزبتھ جونس کے سپر کردی۔
برطانوی خبر رساں ایجنسی رائٹرز کے مطابق امریکی محکمہ خارجہ نے منگل کے روز سابق خاتون سفارتکار اے الزبتھ جونس کو افغان شہریوں کے انخلا اور بیرون ملک منتقلی کی ذمہ داری سونپ دی۔
امریکی محکمہ خارجہ نے ایک بیان میں کہا کہ سابق ڈپٹی نمائندہ برائے افغانستان اور پاکستان اے الزبتھ جونس افغان شہریوں کے انخلا اور امریکا منتقلی کے تمام معاملات دیکھیں گی۔
واضح رہے کہ اس سے قبل افغانستان میں سابق امریکی سفیر جان باس کو اگست میں کابل بھیجا گیا تھا تاکہ طالبان کے قبضے کے بعد امریکی سفارتی عملے کی بحفاظت منتقلی کو یقینی بنایا جائے ۔
امریکا میں چھوٹا طیارہ رہائشی علاقے میں گر کر تباہ، 2 افراد ہلاک
سعودی عرب کا خطے کو تباہی پھیلانے والے ہتھیاروں سے پاک کرنے کے مطالبے کا اعادہ
