کراچی (اصل میڈیا ڈیسک) سپریم کورٹ کے حکم پر کراچی میں شاہراہ فیصل اور شاہراہ قائدین کے سنگم پر تعمیر شدہ 15 منزلہ عمارت نسلہ ٹاور کو منہدم کرنے کا عمل اتوار کے روز تیز کر دیا گیا۔
نسلہ ٹاور کو منہدم کرنے کیلیے 400 مزدوروں کی خدمات حاصل کی گئی ہیں جبکہ ایک ایکسکویٹر کو کرین کے ذریعے عمارت کی چھت پر پہنچایا گیا، ایکسی ویٹر نے بھی کام شروع کردیا ہے۔ عمارت کے اطراف دفعہ 144 عائد کردی گئی ہے تاکہ انہدامی کارروائی میں کوئی رکاوٹ نہ ڈال سکے۔ عمارت کے سامنے سروس روڈ اور عقبی گلی کو حفاظتی نقطہ نظر سے بند کر دیا گیا ہے۔
اتوار کے روز مزدوروں نے عمارت کی آخری تین منزلوں کے فلیٹوں کی چھتوں کو توڑ دیا جبکہ ایکسکویٹر کے ذریعے عمارت کی سب سے اونچی منزل پر واقع واٹر ٹینک اور دیگر اسٹرکچر کو منہدم کیا گیا۔
لاہور فضائی آلودگی میں آج بھی سرِفہرست
لاپتہ صحافی کے کیس میں شیریں مزاری اور سیکرٹری داخلہ طلب
