لاہور (اصل میڈیا ڈیسک) وفاقی وزیر برائے توانائی حماد اظہر نے کہا ہے کہ نجی کمپنی بھی جلد صارفین کو گیس فراہم کر سکے گی۔
وفاقی وزیر حماد اظہر نے سماجی رابطے کی ویب سائٹ پر پیغام میں لکھا کہ حکومت پاکستان نے توانائی کے شعبے کو سرکاری کنٹرول سے آزاد کرنے کے عمل کا آغاز کردیا ہے اور سوئی سدرن گیس پائپ لائن لمیٹڈ کو اس بات کی اجازت دی ہے کہ ایک نجی کمپنی اس کے انفرااسٹرکچر کے ذریعے صارفین تک گیس فراہم کر سکے۔
اپنے پیغام میں وفاقی وزیر کا کہنا تھا کہ سوئی سدرن بورڈ نے انرگیس کمپنی کو اس بات کی اصولی منظوری دے دی ہے کہ وہ اس کے درآمدی ٹرمنل کے ذریعے صارفین تک گیس فراہم کرسکے، اور اس اقدام کے ذریعے نجی شعبے کے لیے راستہ ہموار ہوگا کہ وہ ملک بھر میں قدرتی مائع گیس کی ترسیل اور دستیابی میں اپنا کردار ادا کر سکے۔
توانائی کے شعبے سے وابستہ ایک سرکاری افسر کا کہنا تھا کہ اب ایک نئے دور کا آغاز ہونے جارہا ہے جس کے ذریعے پاکستان میں توانائی کا شعبہ سرکاری کنٹرول سے آزاد ہو جائے گا۔
سابق چیف جج رانا شمیم کا نام ای سی ایل میں ڈالنے کے لیے درخواست دائر
ویکسی نیٹرز کو 2 دن میں احتجاج ختم کرنے کا الٹی میٹم ورنہ فارغ
