یمن (اصل میڈیا ڈیسک) سعودی عرب کی وزارت دفاع کے سرکاری ترجمان بریگیڈیئر جنرل ترکی المالکی نے بتایا کہ سعودی فضائی دفاع نے بدھ کی صبح مغربی سرحد کی جانب دُشمن فضائی ہدف کی نشاندہی کے بعد اسے تباہ کر دیا۔
بریگیڈیئر جنرل المالکی نے کہا کہ وزارت دفاع مملکت کی سلامتی ، حفاظت اور اس کی قومی صلاحیتوں کے ساتھ ساتھ عام شہریوں اور شہری املاک کہ ی حفاظت کے لیے تمام ضروری اقدامات کر رہی ہے۔ان کا کہنا تھا کہ وزارت دفاع ملک کے خلاف ہونے والی ہرکارروائی کی روک تھام کرے گی اور سرحد پار سے اس طرح کی دشمنانہ سرگرمیوں کا قلع قمع کیا جائے گا۔
قبل ازیں یمن میں آئینی حکومت کی حمایت کرنے والے عرب اتحاد نےمنگل کے روز جازان میں شاہراؤں اور عوامی بازار کے قریب ایک میزائل کے گرنے کی اطلاع دی۔ ادھر مآرب میں عرب اتحاد نے دشمن کے فضائی دفاعی نظام کو تباہ کرنے کا دعویٰ کیا ہے۔
اتحادی فضائیہ نے یمنی فضائی حدود میں ایک ڈرون کو روک کر اسے بھی تباہ کر دیا۔
اتحاد نے کہا کہ حوثی باغیوں نے منگل کی شام شہریوں کو جان بوجھ کر اور منظم طریقے سے نشانہ بنانے کی کوشش کی۔
منگل کے روز امریکا نے سعودی عرب میں شہری املاک پر حوثیوں کے حملوں اور مآرب میں ملیشیا کی مسلسل فوجی کارروائیوں کی مذمت کرتے ہوئےانہیں عالمی برادری اور اقوام متحدہ کے اصولوں کے منافی اقدامات قرار دیا۔
یہ بات یمن کے لیے امریکا کے خصوصی ایلچی ٹم لینڈرکنگ کے یمنی وزیر اعظم معین عبدالملک کے ساتھ ٹیلی فون پر بات چیت کے دوران سامنے آئی۔ بات چیت میں حوثی باغیوں کی جانب سے جاری کشیدگی اور باغی ملیشیا کی جانب سے امن کی جانب کسی بھی اقدام کو کمزور کرنے کے حوالے سے امریکی مؤقف کا اظہار کیا گیا۔
خاشقجی کے قتل میں مبینہ طور پر ملوث شخص فرانس میں گرفتار
ملائیشیا: سابق وزیر اعظم نجیب رزاق کو عدالت نے بدعنوانی کا مجرم قرار دے دیا
