پشاور (اصل میڈیا ڈیسک) پشاور میں گیس پریشر پورا کرنے کے لئے دفعہ 144 نافذ کر دی گئی۔
محکمہ سوئی گیس کے مطابق شام 4 بجے سے صبح 9 بجے تک سی این جی سیکٹر کو گیس کی سپلائی بند رہے گی۔ 09 ایم ایم سی ایف ڈی مزید گیس گھریلو صارفین کو دی جائے گی۔
محکمہ سوئی گیس کا مزید کہنا تھا کہ ایس این جی پی ایل کا خصوصی کنٹرول روم 24 گھنٹے صورتحال کی نگرانی کر رہا ہے۔ پشاور شہر، جمرود روڈ، ریگی ولیج، پشاور انٹیریئر سٹی، رنگ روڈ، حیات آباد ٹاؤن شپ، ورسک روڈ اور پشاور کنٹونمنٹ وغیرہ میں گیس کا دباو بہتر ہورہا ہے۔
کمپریسرز کے غیر قانونی استعمال کے خلاف کاروائی کی جارہی ہے اورپشاور سٹی، ورسک روڈ، حیات آباد اور کنٹونمنٹ کے مختلف علاقوں میں کمپریسرز کے استعمال کی خلاف ورزی پر 64 صارفین کی گیس سپلائی منقطع کر دی گئی ہے۔
رواں سردیوں میں گیس لوڈ شیڈنگ گزشتہ برسوں سے کم ہے: حماد اظہر کا دعویٰ
اگر ایک دوا کی قیمت 3 روپے سے 7 روپے ہو گئی تو کیا قیامت آ گئی؟ فواد چوہدری
