لاہور (اصل میڈیا ڈیسک) وفاقی وزیر سینیٹر شبلی فراز کا کہنا ہے ہم نے اشارہ دے دیا ہے، لوگ اب خود اندازہ کرلیں کہ ملاقات کرنے والے ن لیگ کے چار رہنما کون ہیں۔ شبلی فراز کا کہنا تھا کہ لوگ ہماری حکومت کی مشکلات کو سمجھتے ہیں۔
وفاقی وزیر کا کہنا تھا کہ عمران خان کی قیادت پر سب کو اعتماد ہے اور ہمارے اچھے دن ابھی آنے والے ہیں۔
دوسری جانب مسلم لیگ ن کے سینئر نائب صدر شاہد خاقان عباسی نے فواد چوہدری کو 4 لیگی رہنماؤں پر نواز شریف کے خلاف بغاوت کے الزام پر چیلنج دے دیا ہے۔
شاہد خاقان عباسی نے کہا کہ ن لیگ کے کسی سینئر رہنما کی ماضی قریب میں کسی سے ملاقات نہیں ہوئی۔
انہوں نے کہا کہ فواد چوہدری اُن 4 لیگی رہنماؤں کے نام سامنے لائیں، چیلنج دیتا ہوں کہ وہ بتائیں کس سے ملاقات ہوئی اور کس نے ملاقات کی۔
واضح رہے کہ پاکستان تحریک انصاف کے وزراء کی جانب سے نواز شریف کے خلاف ن لیگ میں بغاوت کے دعوے کیے گئے تھے۔
وزیر اطلاعات فواد چوہدری نے کہا تھا کہ ن لیگ میں ریس لگی ہوئی ہے، پہلی صف میں بیٹھنے والے چار لیڈرز نواز شریف کو ہٹاکر خود قیادت سنبھالنا چاہتے ہیں۔
کراچی؛ ایکسپو سینٹر میں ویکسی نیشن عملے کے احتجاج سے شہری پریشان
کورونا کیسز: این سی او سی نے نئی پابندیاں نافذ کردیں
