اسلام آباد (اصل میڈیا ڈیسک) پاکستان پیپلزپارٹی سمیت مختلف سیاسی جماعتوں نے پیٹرولیم مصنوعات کی قیمتوں میں اضافے کو مسترد کرتے ہوئے حکومت سے فیصلہ واپس لینے کا مطالبہ کردیا۔
ترجمان سندھ حکومت مرتضٰی وہاب نے ایک ویڈیو پیغام میں کہا کہ آج عمران خان نے ثابت کردیا کہ تحریک انصاف کا کوئی تعلق پاکستان کی عوام سے نہیں،آج کی موجودہ مہنگائی کی صورتحال میں پیٹرول کا ایٹم بم بھی عوام پر گرادیا گیا ہے۔
انہوں نے کہا کہ عوام کی طاقت سے اس نا اہل حکومت کو گھر بھیجیں گے جبکہ عوام بلاول بھٹو کے ہاتھ مضبوط کریں۔
دوسری جانب سینیٹر سلیم مانڈوی والا نے کہا کہ عوام پر پیٹرول بم گرانے کی شدید مذمت کرتے ہیں۔
اس کے علاوہ چیئرمین پاک سرزمین پارٹی مصطفیٰ کمال نے کہا کہ قیمتوں میں پے درپے اضافے سے متوسط اور غریب طبقہ پس گیا جبکہ نا اہل حکومت نے غربت نہیں بلکہ غریب مٹانے کی پالیسی اختیار کی ہے۔
پیٹرول ملکی تاریخ کی بلند ترین سطح پر پہنچ گیا، 159 روپے 86 پیسے فی لیٹر ملے گا
امیر جماعت اسلامی سراج الحق نے کہا کہ پیٹرولیم مصنوعات کی قیمتوں میں اضافہ مسترد کرتے ہیں ، حکومت نے پیٹرول کی بلند ترین قیمت کا اپنا ہی ریکارڈ توڑ ڈالا۔
لاہور سے جاری بیان میں امیر جماعت اسلامی سراج الحق کا کہنا تھا کہ حکومت آئی ایم ایف کے سامنے مکمل سرنگوں ہو چکی ہے۔
ان کا کہنا تھا کہ اشیاء ضروریات کی قیمتیں بھی پچاس فیصد کم کی جائیں جبکہ جماعت اسلامی ہوش ربا مہنگائی، بے روزگاری کے خلاف تحریک جاری رکھے گی۔
واضح رہے کہ وزارت خزانہ کی جانب سے جاری نوٹیفکیشن کے مطابق پیٹرول کی قیمت 12 روپے 3 پیسے فی لیٹر کے بعد نئی قیمت 159 روپے 86 پیسے فی لیٹر ہوگئی ہے جبکہ کہ ڈیزل کی قیمت میں 9 روپے 53 پیسے فی لیٹر اضافہ کیا گیا ہے۔
لاڑکانہ کی طالبہ نمرتا کی موت خودکشی قرار، جوڈیشل انکوائری کمیٹی کی رپورٹ سامنےآگئی
فروری میں کچھ نہ کچھ ہونے والا ہے: رانا ثنااللہ
