عدم اعتماد پر کافی ہوم ورک مکمل ہو چکا ہے، چوہدری منظور

Posted on February 26, 2022 By Majid Khan کراچی, مقامی خبریں

Chaudhry Manzoor

کراچی (اصل میڈیا ڈیسک) پیپلز پارٹی کے سینئر رہنما چوہدری منظور نے کہا ہے کہ تحریک عدم اعتماد کے حوالے سے کافی ہوم ورک مکمل ہو چکا ہے۔

چوہدری منظور نے کہا کہ سابق صدر آصف علی زرداری کے ذمے جو ٹاسک تھا وہ پورا کر کے کراچی گئے تھے۔

انہوں نے مزید کہا کہ اب مسلم لیگ نون اور پاکستان ڈیموکریٹک موومنٹ (پی ڈی ایم) نے کچھ چیزوں پر فیصلہ کرنا ہے، اور وہ فیصلہ کر بھی چکے ہیں۔

ان کا یہ بھی کہنا تھا کہ بہت سی چیزیں طے ہوچکی ہیں، قیادت نے اب صرف وقت کا تعین کرنا ہے۔

واضح رہے کہ اپوزیشن کی جانب سے حکومت کے لیے لائی جانے والی تحریک عدم اعتماد کی حمایت کیلئے چوہدری برادران نے پیپلز پارٹی کے سامنے مطالبات رکھ دیے ہیں۔

پاکستان مسلم لیگ ق نے سابق صدر آصف زرداری کو چارٹر آف ڈیمانڈ دے دیا ہے، اپوزیشن سے پنجاب کی وزارت اعلیٰ مانگ لی ہے۔

ق لیگ نے دو ٹوک موقف اپناتے ہوئے کہا کہ پنجاب کی وزارت اعلیٰ سے کم پر کوئی سمجھوتہ نہیں ہو گا۔