اسلام آباد: سول جج اسلام آباد نے ن لیگ کے رکن قومی اسمبلی انجم عقیل کو تین روز کے جسمانی ریمانڈ پر پولیس کے حوالے کر دیا ہے ۔ اس سے پہلے انجم عقیل کو راولپنڈی کی انسداد دہشتگردی کی عدالت نے چودہ روزہ جوڈیشل ریمانڈ پر جیل بھیجا۔ اسلام آباد میں پولیس نے پولیس فانڈیشن اسکینڈل میں ملوث مسلم لیگ نواز کے رکن قومی اسمبلی انجم عقیل کو ضلعی کچہری میں پیش کیا ۔ جس میں پولیس کی استدعا پر سول جج نے انجم عقیل کا تین روزہ جسمانی ریمانڈ دیدیا۔ اس سے پہلے انجم عقیل کو راولپنڈی میں انسداد دہشتگردی کی عدالت میں پیش کیا گیا تھا۔ جس میں عدالت نے پولیس کی انجم عقیل کی جسمانی ریمانڈ کی استدعا مستر کرتے ہوئے چودہ روزہ جوڈیشل ریمانڈ پر جیل بھیج دیا تھا۔ سماعت کے دوران پولیس حکام انجم عقیل کے خلاف ٹھوس شواہد پیش کرنے میں ناکام رہے تھے۔
وزیراعظم گیلانی پانچ روزہ نجی دورے پر برطانیہ روانہ ہوگئے
کراچی واقعات میں غیرملکی ملوث نہیں، منظور وسان
