کراچی میں بڑے بڑے تاجر بھتہ مافیا سے پریشان تو تھے ہی لیکن عوام کو تفریح فراہم کرنے والے اونٹ اور گھوڑے مالکان بھی اس مافیا کے جال میں قید ہوتے جا رہے ہیں۔ کراچی میں ساحل سمندر کے کنارے اونٹ اور گھوڑے مالکان نے بھتہ مافیا کیخلاف احتجاج کیا۔ بھتہ خوروں کا نشانہ بننے والے یومیہ اجرت پرکمانے والے ان محنت کشوں کاکہناہے کہ ہم ساحل سمندر پر عوام کوتفریح فراہم کرتے ہیں اور چند پیسہ کماتے ہیں لیکن بھتہ خور ہماری کمائی میں سے حصہ مانگتے ہیں اور نہ دینے پر زد و کوب کیا جاتا ہے۔ انھوں نے کہاکہ ایک با اثر شخص ہم سے روزانہ 200 سے 300 روپے طلب کرتا ہے۔ محنت کشوں کا کہنا ہے کہ کئی مرتبہ پولیس کو اس صورت حال سے آگاہ کر چکے ہیں لیکن کوئی پرسان حال نہیں ہے۔
ذوالفقار مرزا کا معاملہ عدالت میں ہے ،گیلانی
سیم نالے میں شگاف : کراچی بدین ہائی وے زیر آب آنے کا خطرہ
