کراچی میں باران رحمت برستے ہی سڑکیں تالابوں کا منظر پیش کرنے لگیں، ٹریفک کی روانی بھی شدید متاثر ہوئی۔ دوسری جانب مختلف حادثات اور کرنٹ لگنے کے واقعات میں ایک ہی خاندان کے پانچ افراد سمیت بارہ افراد زندگی کی بازی ہار گئے۔ آج دوپہر سے شروع ہونے والی تیز بارش کے باعث کئی مقامات پر سائن بورڈ اور درخت اکھڑ گئے۔ بارش سے کے ای ایس سی کے سو سے زائد فیڈرز ٹرپ کر گئے اور متعدد علاقوں میں بجلی کا نظام درہم برہم ہو گیا تو دوسری جانب بوہرہ پیر میں کرنٹ لگنے سے ماں بیٹی سمیت ایک ہی خاندان کے پانچ افراد جاں بحق ہوئے۔ ماڈل کالونی میں کرنٹ لگنے سے ایک شخص ہلاک ہوا۔ آئی آئی چندریگر روڈ بجلی کا تار توٹ کر پانی میں گر گیا۔جس سے ورک شاپ پر کام کرنے والا محنت کش کرنٹ لگنے سے زندگی کی بازی ہار گیا۔ ناظم آباد میں روڈ پر پھسلن کے باعث موٹر سائیکل سوار جاں بحق ہوا۔
طرابلس: اختلافات بھلا کر نئے لیبیا کی تعمیرکے حق میں ریلی
اسرائیلی سفارت خانے پر حملے کے بعد مصر کی کابینہ کا ہنگامی اجلاس
