قومی ٹوئنٹی ٹوئنٹی ٹورنامنٹ میں پشاور پینتھرز، فیصل آباد وولف اور راولپنڈی ریمز نے فتوحات حاصل کرلیں۔ آج شاہد آفریدی کراچی ڈولفنز کی جانب سے ایکشن میں نظر آئیں گے۔ کراچی میں جاری ٹورنامنٹ میں نعمان حبیب اور عمر گل نے پشاور کو نو وکٹوں سے فتح دلائی۔ پشاور نے نو وکٹوں کے نقصان پر ایک سو پچاس رنز بنائے۔ جواب میں اسلام آباد کی ٹیم ایک سوبائیس رنزبناکر آئوٹ ہو گئی۔ نعمان نے چار اور عمر گل نے تین وکٹیں لیں۔ فیصل آباد نے آٹھ وکٹ کھوکر ایک سو اکسٹھ رنز اسکور کئے۔ جواب میں ملتان ٹائیگرز نو وکٹوں کے نقصان پر ایک سو سات رنز بناسکی۔ سعید اجمل نے صرف پانچ رنز دیکر تین وکٹیں لیں۔ تیسرے میچ میں افغان چیتاز نیسمیع اللہ اور نجیب اللہ کی نصف سنچریوں کی مدد سے چار وکٹ پر ایک سو باسٹھ رنز بنائے۔ راولپنڈی ریمز نے چھ وکٹیں گنواکر ہدف عبورکیا اور چار وکٹ سے کامیاب ہوئی۔
منصور زمان ، فرحان محبوب اسکواش چیمپیئن شپ کے فائنل میں
کرکٹ کوچ کی تلاش،پی سی بی کمیٹی کا اجلاس آج ہورہاہے
