کراچی میں رینجرز اور پولیس کے مختلف مقامات پر چھاپوں کے دوران ٹارگٹ کلنگ بھتہ خوری اور چوری اور ڈکیتی میں ملوث چودہ افراد گرفتار کر لئے گئے۔ شاہ لطیف کے علاقے سے پولیس نے نیشنل ہائی وے پر ڈکیتی اور اسٹریٹ کرائم کی وارداتوں میں ملوث چھ ملزمان کو حراست میں لے کر اسلحہ اور منشیات برآمد کرلی۔ شرافی گوٹھ پولیس نے دوران چیکنگ لینڈ کروزر گاڑی کو روک کر اس میں سوار پانچ افراد کو حراست میں لے کر ان کے قبضے سے چوری کئے گئے دس بکرے، سات بوتل شراب اور چوبیس کچی شراب کی بوتلیں برآمد کر لیں۔ گلستان جوہر رابعہ سٹی میں رینجرز نے کارروائی کرتے ہوئے بھتہ خوری میں ملوث تین ملزمان کو گرفتار کرلیا۔ پولیس کے مطابق گرفتار ملزمان میں سے ایک ملزم ٹارگٹ کلنگ میں بھی ملوث ہے۔
سپریم کورٹ کا فیصلہ، ایوان صدر میں اہم اجلاس طلب
وزیر داخلہ سندھ اور ایڈیشنل آئی جی کے درمیان تلخ کلامی
