وفاق ایوانہائے تجارت وصنعت پاکستان نے بجلی کی قیمتوں میں بے تحاشہ اضافے کے اقدام کی مذمت کرتے ہوئے کہا ہے کہ صنعتوں اور عوام پر نیپرا کی جانب سے ایٹم بم گرائے جانے کی بجائے سہولیات اور رعایت فراہم کرنے کی پالیسی اپنائی جائے کیونکہ ملکی صنعتیں ،فیکٹریاں ،کارخانے ،دکاندار اور عوام مزید اضافی بوجھ برداشت کرنے کے قابل نہیں ہیں ۔ ایف پی سی سی آئی کے صدر سینیٹرحاجی غلام علی اورنائب صدر اعثمان شیخ نے ہفتے کے روز مشترکہ بیان میں کہا انہوں نے کہا کہ ملک میں بڑہتی ہوئی پیداواری لاگت سے مقامی صنعتیں بری طرح متاثر ہورہی ہیں ایسی صورتحال میں فی یونٹ چار روپے سے زائد ضافہ قابل تشویش عمل ہے انہوں نے کہا کہ حکومت نیپرا اور اوگراجیسے نااہل اداروں کو پابند کرے کہ معاشی وتجارتی سرگرمیوں کو سبوتاڑ کرنے کی بجائے انکو زیادہ سے زیادہ سہولیات فراہم کرنے کی پالیسی کو اپنائے ۔
مہنگائی کو کنٹرول کرنے کے حکومتی اقدامات ناکام
پنجاب:ایک کروڑ 68لاکھ ایکڑ رقبے پر گندم کی بوائی کا ہدف مقرر
