آرمی چیف جنرل اشفاق پرویز کیانی کی سربراہی میں پاک فوج کے فارمیشن کمانڈرز کی خصوصی کانفرنس جنرل ہیڈ کوارٹرز راولپنڈی میں جاری ہے۔ یہ کانفرنس امریکی سیکرٹری خارجہ ہیلری کلنٹن کے دورہ پاکستان کے موقع پر منعقد کی جارہی ہے۔ جس میں کور کمانڈرز، فارمیشن کمانڈرز اور دیگر اعلی عسکری حکام شریک ہیں۔ ذرائع کے مطابق فارمیشن کمانڈرز کانفرنس میں ملکی سکیورٹی کو درپیش اندرونی اور بیرونی خطرات کا جائزہ لیا جائے گا۔ ذرائع کے مطابق اس اجلاس میں افغانستان میں تعینات ایساف اور افغان فورسز کے پاک افغان بارڈر سے ملحقہ علاقوں میں شروع کردہ حالیہ آپریشنز اور خطے کی صورتحال پر بھی غور ہوگا جبکہ حال ہی میں منعقد ہونے والی آل پارٹیز کانفرنس کی قرارداد اور دیگر فیصلوں کے بارے میں بھی فارمیشن کمانڈرز کو اعتماد میں لیا جائے گا۔
بھارت کو پسندیدہ ملک قرار دینے ہر کشمیر کمیٹی کا اظہار حیرت
رحمان ملک مجھے قتل کرانا چاہتے ہیں۔ ذوالفقار مرزا
