پاک فوج کے سربراہ جنرل اشفاق پرویز کیانی نے کہا ہے کہ جارحیت کا جواب دینے کے لیے اب کسی اجازت کی ضرورت نہیں۔ جوانوں کو ہتھیار اور وسائل فراہم کرنا ان کا فرض ہے جو وہ پورا کریں گے۔ آزاد کشمیر رجمنٹ کے دربار میں چیف آف آرمی اسٹاف کا تحریر کردہ ایک مراسلہ افسروں اور جوانوں کو پڑھ کرسنایا گیا۔ جنرل کیانی نے کہا کہ پاک فوج جارحیت کے خلاف آخری دم تک لڑے گی۔ جوانوں کی قابلیت پر کوئی شک نہیں۔ مہمند ایجنسی میں نیٹو اور ایساف کی کھلی جارحیت قبول نہیں۔ آئندہ کسی بھی جارحیت کا منہ توڑ جواب دیا جائے گا۔ انہوں نے کہا کہ قوم یاد رکھے کہ شہدا کا خون رائیگاں نہیں جائے گا۔ جنرل اشفاق پرویز کیانی نے کہا کہ اب جوابی کارروائی کے لیے کسی ہدایت کا انتظار نہیں کیا جائے گا اور دستیاب ہتھیاروں سے ہر ممکن جواب دیا جائے گا۔
میمو اسکینڈل:صدر،آرمی چیف سمیت فریقین سے جواب طلب
نیٹو حملہ: پارلیمنٹ کی قومی سلامتی کمیٹی کا اجلاس آج ہو گا
