پاکستان اکانومی واچ کے صدر ڈاکٹر مرتضی مغل نے کہا ہے کہ پاکستان ہمسایہ ملک ایران سے گیس درآمد کر کے اپنے تو انائی کے مسائل پر قابو پا سکتا ہے، حکومت اس منصوبہ میں دلچسپی لیتے ہوئے جلد تکمیل کیلئے اقدامات کرے۔ اپنے ایک بیان میں انہوں نے کہا کہ بھارت بھی اپنی توانائی کی قلت کے باعث زیادہ دیر ایرانی گیس کو نظر انداز نہیں کر سکتا ، ڈاکٹر مرتضی مغل نے کہا کہ دنیا میں سب سے زیادہ سی این جی استعمال کرنے والے ملک میں ایک اور دو ماہ کیلئے اس کی بندش کا فیصلہ قابل قبول نہیں ہو سکتا ہے۔ انہوں نے کہا کہ ایرانی گیس سے پاکستان کی توانائی کی تیس فیصد ضروریات پوری ہو جائیں گی، اس لئے حکومت کو عارضی اقدامات کی بجائے مسئلہ کے پائیدار حل کیلئے ایران گیس پائپ لائن منصوبہ کی جانب توجہ مرکوز کرنی چاہئے۔
سی این جی کی قیمت میں 15 روپے کلو اضافہ متوقع
بلوچستان: اے ڈی بی 14کروڑ ڈالر کی حکومتی درخواست مسترد
