امریکی وزیر خارجہ ہیلری کلنٹن نے کہا ہے کہ شام میں تشدد پر تشویش ہے۔ ترکی سے مل کر مسئلے کا حل نکالیں گے جبکہ شام کی صورتحال پرجنرل اسمبلی کا اجلاس بھی جاری ہے۔
واشنگٹن میں ترک وزیر خارجہ کے ہمراہ پریس کانفرنس کرتے ہوئے امریکی وزیر خارجہ نے عراق اور شام میں تشدد کی مذمت کی اور صورتحال پر تشویش کا اظہار کیا۔ ہیلری کلنٹن نے اس توقع کا اظہار کیا کہ خطے میں قیام امن کیلئے ترکی اہم کردار ادا کرے گا۔
ترک وزیر خارجہ احمد اوغلو نے بھی شام کی صورتحال پر تشویش کا اظہار کیا اور عوامی جدوجہد کی حمایت کی۔ انہوں نے کہاکہ امریکا اور ترکی دوست ہیں۔ تجارت سمیت ہر شعبے میں ترکی اور امریکا کی شراکت داری مثالی ہے۔
دوسری جانب شام میں پرتشددواقعات کے دوران مزید تیئس افراد ہلاک ہوگئے ہیں۔
برطانیہ نے ابو قتادہ کو 6برس کے بعد ضمانت پر رہا کردیا
مالدیپ میں بیرونی مداخلت کی ضرورت نہیں،اقوام متحدہ
