ایتھوپیا اور صومالیہ کی نگران حکومت کی فوجوں نے ایک مشترکہ کارروائی میں شدت پسند تنظیم الشباب کے جنجگوں کو بیدوا شہر سے نکال باہر کیا ہے۔ بیدوا شہر الشباب تنظیم کا اہم مرکز تصور کیا جاتا ہے۔ ایتھوپیا اور صومالیہ کی افواج نے بغیر کسی لڑائی کے بیدوا شہر پر قبضہ کر لیا۔
الشباب تنظیم نے تسلیم کیا ہے کہ انہوں نے ایک حکمت عملی کے تحت شہر کو خالی کر دیا ہے۔ الشباب نے دھمکی دی کہ وہ گوریلا جنگ شروع کریں گے ۔ الشباب تنظیم کا جنوبی صومالیہ کے ایک بڑے علاقے پر قبضہ ہے۔ ایتھوپیا اور صومالیہ کی نگران حکومت کے فوجوں نے الشباب تنظیم کے خلاف کارروائی ایسے وقت شروع کی ہے جب افریقی یونین نے صومالیہ میں امن فوج کی تعداد بارہ ہزار سے بڑھا کر سترہ ہزار کرنے کا اعلان کیا ہے۔ ایتھوپیا کے علاوہ کینیا کی افوج بھی الشباب تنظیم کے خلاف فوجی آپریشن میں مصروف ہیں۔
جوہری تنصیبات تک رسائی نہ دینے پرامریکا کی ایران پرسخت تنقید
جنگ کے باعث بے گھر ہوئے لاکھوں افغان مفلسی کا شکار
