اک کوہستانی سفر کے دوران

Posted on February 24, 2012 By Adeel Webmaster مجید امجد

تنگ پگڈنڈی۔۔۔۔۔۔۔۔۔۔۔سرِ کُہسار بل کھاتی ہوئی

نیچے، دونوں سمت، گہرے غار، منہ کھولے ہوئے

آگے ، ڈھلوانوں کے پاراک موڑ اور اس جگہ

اِک فرشتے کی طرح نورانی پر تولے ہوئی

جھک پڑا ہے آ کے رستے پر کوئی نخلِ بُلند

تھام کر جس کو گزر جاتی ہے آسانی کے ساتھ

موڑ پر سے ڈگمگاتے رہروئوں کے قافلے

ایک بوسیدہ خمیدہ پیڑ کا کمزور ہاتھ

سینکڑوں گرتے ہوئوں کی دستگیری کا امیں

آہ! اُن گردن فرازانِ جہاں کی زندگی

اِک جھکی ٹہنی کا منصب بھی جنہیں حاصل نہیں

مجید امجد