انڈیا : (جیو ڈیسک)بھارت کے شہر غازی آباد کی جھونپڑ پٹی میں آگ لگنے سے چارسو خاندان بے گھر ہوگئے۔ ریاست اترپردیش کے صنعتی شہر غازی آباد کے نواحی علاقے میں واقع جھونپڑپٹی میں رات گئے اچانک آگ لگ گئی ،جو دیکھتے ہی دیکھتے وسیع رقبے پر پھیل گئی۔آگ بجھانے کیلئے فائر بریگیڈ کی تیرہ گاڑیاں پہنچیں جنہوں نے تین گھنٹے کی جدوجہد کے بعد آگ پر قابو پایا تاہم آتشزدگی سے چارسو سے زائد جھونپڑیاں جل کر خاکستر ہوگئیں۔
پولیس حکام کے مطابق آتشزدگی کی وجہ معلوم کرنے کیلئے تحقیقات کی جارہی ہیں۔متاثرہ افراد کا کہنا ہے کہ پولیس اور فائر بریگیڈ تاخیر سے پہنچی جس کے باعث آگ وسیع رقبے پر پھیل گئی۔ واقعہ میں کوئی جانی نقصان نہیں ہوا۔
امریکہ شام کے خلاف فوجی کاروائی سے گریز کرے گا، لیون پینیٹا
لیبیا میں شام کے خلاف باغیوں کو اکسایا جا رہا ہے، روس
