ایسی تاریکی ہے کہ نام بجھے جاتے ہیں
Posted on March 11, 2012 By Adeel Webmaster شاہد رضوی
dark night
ایسی تاریکی ہے کہ نام بجھے جاتے ہیں
شام ہی سے یہ در و بام بجھے جاتے ہیں
روشنی داغ جگر میں نہیں اب باقی کوئی
ہم نے جو پائے تھے انعام بجھے جاتے ہی
نہ کرن کوئی امیدوں کی نہ دن باقی ہے
دل نے پھیلائے تھے جو دام بجھے جاتے ہیں
میکدہ تو سدا روشن ہی رہا کرتا ہے
بات یہ ہے کہ مرے جام بجھے جاتے ہیں
مشعل لذت آلام کی ضو ختم ہوئی
ہم پہ جو آئے تھے الزام بجھے جاتے ہیں
حرف اشکوں کی روانی میں بہے جاتے ہیں
یورش شب ہے کہ سب نام بجھے جاتے ہیں
شاہد رضوی
دنیا میں ہنگامہ برپا لگتا ہے
تجھ سے بچھڑ کے تنہا نہ چلتے پر کیا کریں
