یہ قسمت کے دھارے سدا ایک سے ہیں
Posted on March 15, 2012 By Adeel Webmaster حسن رضوی
quit love
یہ قسمت کے دھارے سدا ایک سے ہیں
سمندر کنارے سدا ایک سے ہیں
مرے دل کے اک اک ورق پر لکھا ہے
یہ تیور تمہارے سدا ایک سے ہیں
مقدر میں دونوں کے ہیں ہجر گھڑیاں
ستارے ہمارے سدا ایک سے ہیں
حقیقت یہی ہے محبت کی رہ میں
سبھی غم کے مارے سدا ایک سے ہیں
تری کہکشائیں سبھی مختلف ہیں
مرے چاند تارے سدا ایک سے ہیں
ستارہ جبیں چشم آہو سے تیری
کنایے اشارے سدا ایک سے ہیں
حسن بے رُخی پر میں حیراں نہیں ہوں
جفا کار سارے سدا ایک سے ہیں
حسن رضوی
ٹھرہے پانی کو وہی ریت پرانی دے دے
وہ باخبر ہے کبھی بے خبر نہیں ہوتا
