کھاریاں : وزیراعلیٰ پنجاب میاں شہباز شریف کا گجرات آمد پر بھرپور استقبال کریں گے وزیراعلیٰ کا لیپ ٹاپ نوجوان نسل کو فراہم کرنا عظیم کارنامہ ہے ، وہ صوبہ میں تعلیم کو عام کرنے کے لیے کوشاں ہیں ، وزیراعلیٰ میاں شہباز شریف کی گجرات آمد پر انہیں مسائل سے بھی آگاہ کریں گے ان خیالات کا اظہار مسلم لیگ ن ضلع گجرات کے راہنماؤں چوہدری عابد رضا ممبر پنجاب اسمبلی چوہدری عرفان الدین نے اپنے بیان میں کیا انہوں نے کہا کہ میاں شہباز شریف دورہ کو ترقی یافتہ صوبہ بنانے کے لیے عملی اقدامات کر رہے ہیں ، تعلیمی شعبے میں وزیراعلیٰ خصوصی توجہ دے رہے ہیں ، طلبہ کو لیپ ٹاپ تقسیم کرنا عظیم کارنامہ ہے ، آج ان کا والہانہ استقبال کریں گے ۔
