یوں چُپ رہنا ٹھیک نہیں کوئی میٹھی بات کرو

Posted on March 20, 2012 By Adeel Webmaster قتیل شفائی

silence

یوں چُپ رہنا ٹھیک نہیں کوئی میٹھی بات کرو
مور چکور پیپہا کوئل سب کو مات کرو

ساون تو من بگیا سے بن برسے بیت گیا
رس میں ڈوبے نغمے کی اب تم برسات کرو

ہجر کی اک لمبی منزل کو جانے والا ہوں
اپنی یادوں کے کچھ سائے میرے ساتھ کرو

میں کرنوں کی کلیاں چُن کا سیج بنا لوں گا
تم مکھڑے کا چاند جلائو روشن رات کرو

پیار بُری شے نہیں ہے لیکن پھر بھی یار قتیل
گلی گلی تقسیم نہ تم اپنے جذبات کرو

قتیل شفائی

by Adeel Webmaster

Nasir Mehmood - Chief Editor at GeoURDU.com

کیا ہے جسے پیار ہم نے زندگی کی طرح پریشان رات ساری ہے ستارو تم تو سو جائو