کاش ہم کھل کے زندگی کرتے

Posted on March 29, 2012 By Adeel Webmaster محسن نقوی

kaash

کاش ہم کھل کے زندگی کرتے!
عمر گزری ہے خودکشی کرتے!!

بجلیاں اس طرف نہیں آئیں
ورنہ ہم گھر میں روشنی کرتے

کون دشمن تری طرح کا تھا؟
اور ہم کس سے دوستی کرتے؟

بجھ گئے کتنے چاند سے چہرے
دل کے صحرا میں چاندنی کرتے

عشق اُجرت طلب نہ تھا ورنہ
ہم ترے در پہ نوکری کرتے

اس تمنا میں ہو گئے رسوا
ہم بھی جی بھر کے عاشقی کرتے

حُسن اس کا نہ کھل سکا محسن
تھگ گئے لوگ شاعری کرتے

محسن نقوی

by Adeel Webmaster

Nasir Mehmood - Chief Editor at GeoURDU.com

کڑے سفر میں اگر راستہ بدلنا تھا خلوت میں کھلا ہم پہ کہ بیباک تھی وہ بھی