مسلم کانفرنس ریاست جموں و کشمیر کےعوام کی نمائندہ جماعت ہے:چوہدری اسماعیل خالد
Posted on April 1, 2012 By Geo Urdu میرپور / کشمیر
بھمبر : مسلم کانفرنس ریاست جموں و کشمیر کے عوام کی نمائندہ جماعت ہے جس کی تحریک آزادی کشمیر اور پاکستان کیلئے گراں قدر خدمات ہیں مسلم کانفرنس کو تقسیم کر کے راہ ہموار کرنے کی کوشش کی گئی ا ن خیالات کااظہار مسلم کانفرنس کے مرکزی راہنما چوہدری اسماعیل خالد نے کیا انہوں نے کہا کہ مسلم کانفرنس ایک نظریاتی جماعت ہے جسکی جڑیں عوام میں ہیں ریاست جموں و کشمیر کو برقرار رکھنے میں مسلم کانفرنس کا اہم رول ہے تحریک آزادی کشمیر اور پاکستان کے دشمنوں نے مسلم کانفرنس کو کمزور کرنے کیلئے اس کو تقسیم کیا پاکستان مسلم لیگ نون لوٹوں اور پھگوڑوں کی جماعت ہے جس نے موجودہ حکمرانوں کیساتھ ملکر ملک کو تباہی کے دھانے پر پہنچا دیا ہے مہنگائی کرپشن ،لوڈ شیڈنگ اور لاء اینڈ آرڈر جیسے مسائل میں اضافہ کی ذمہ دار مسلم لیگ نون کے قائدین ہیں جنہوں نے اپنے مفادات کیلئے فرینڈلی اپوزیشن کا کردار داد کیا اقتدار حاصل کرنے کیلئے لوٹوں کو اکھٹا کر کے تحریک انصاف کا مقابلہ کرنے کی کوشش ہو رہی ہے انہوں نے کہا کہ مسلم کانفرنس کل بھی ریاست کی نمائندہ جماعت تھی اور آج بھی ہے ۔
