انتظار
Posted on April 11, 2012 By Adeel Webmaster فیض احمد فیض
waiting down
گزر رہے ہیں شب و روز تم نہیں آتیں
ریاضِ زیست ہے آزرسدئہ بہار ابھی
مرے خیال کی دنیا ہے سوگوار ابھی
جو حسرتیں ترے غم کی کفیل ہیں پیاری
ابھی تلک مری تنہائیوں میں بستی ہیں
طویل راتیں ابھی تک طویل ہیں پیاری
اُداس آنکھیں تری دید کو ترستی ہیں
بہارِ حسن پہ پابندی جفا کب تک؟
یہ آزمائشِ صبرِ گریز پا کب تک؟
قسم تمہاری بہت غم، اُٹھا چکا ہوں میں
غلط تھا دعویٰ صبر و شکیب، آ جائو
قرارِ خاطر بیتاب، تھک گیا ہوں میں
فیض احمد فیض
Faiz Ahmed Faiz – Wait
حسن اور موت
عشق محنت کشِ قرار نہیں
