کھا ریاں شہر کی عوام سے واٹر سپلائی کا پانی بھی چھین لیا گیا
Posted on April 18, 2012 By Geo Urdu گجرات
کھاریاں : کھا ریاں شہر کی عوام سے واٹر سپلائی کا پانی بھی چھین لیا گیا ،بلدیہ کے ملازمین جن کا تعلق محلہ نیا آڑہ کے ساتھ ہے ، صرف محلہ نیا آڑہ میں پانی آ رہا ہے ،ٹی ایم او طارق ضیاء دفتر میں بیٹھ کر خوش گپیوں میں مصروف رہ کر گھر کو لوٹ جاتے ہیں ان کرپٹ اور نااہل ملازمین کو پوچھنے والا کوئی نہیں ، ان خیالات کا اظہار کھاریاں کے ممتاز سیاسی و سماجی رہنمامحمد عمران گورائیہ نے خصوصی ملاقات میں کیا ، انہوں نے کہا کہ افسران کا کام یہ نہیں کہ دفتروں میں بیٹھ کر خوش گپیوں میں وقت گزار کر گھر لوٹ جائیں بلکہ عوام کی خدمت ان کا ماٹو ہونا چائیے ، انہوں نے کہا کہ گرمی کے موسم میں پانی کا نہ ہونا عوام دشمنی کا نتیجہ ہے ، ہم ارباب اختیار سے پر زور مطالبہ کرتے ہیں کہ پانی کی کمی کو فوری طور پر پورا کیا جائے ۔
