تم نہ جانے اسکو بھی کیوں بے اثر لکھتے رہے
Posted on April 27, 2012 By Adeel Webmaster سیدارشاد قمر
heart with sea
تم نہ جانے اسکو بھی کیوں بے اثر لکھتےرہے
ہم کہانی پیار کی جو عمر بھر لکھتے رہے
اپنے کاندھے پہ رکھے اغیار کی فکر و نظر
زندگی کی بھول کو اپنا سفر لکھتے رہے
بے ضمیری بے اصولی بیچ کر افکار میں
سیدھے لوگوں کے لیے اس کو ہنر لکھتے رہے
موسموں کا جبر بھی جن سے نہ رک پایا کبھی
کیا مکاں تھے جن کو ہم دیوار و در لکھتے رہے
وہ مسافر تھے انہیں درکار تھا سایہ فقط]
جو ہمارے ہر شجر کو بے ثمر لکھتے رہے
آگ برساتا رہا سورج ہمارے جسم پر
چاندنی کی داستاں پھر بھی قمر لکھتے رہے
سید ارشاد قمر
اس کو بانہوں میں چھپا کر پیار کی باتیں کروں
تری چوکھٹ پہ سر رکھ کے جو مر جاتے تو اچھا تھا
