یہ زندگی تو موت سے ابتر لگے مجھے
Posted on April 30, 2012 By Adeel Webmaster سیدارشاد قمر
hard rain
یہ زندگی تو موت سے ابتر لگے مجھے
تیرے بغیر کانٹوں کا بستر لگے مجھے
دیوار و در کے ساتھ دیچے بھی ہیں مگر
ہر شخص تیرے شہر کا بے گھر لگے مجھے
پھینکے جو تو نے پھول کسی کے خیال میں
میرے ندیم تیر وہ اکثر لگے مجھے
منزل کے پاس لٹتے ہوئے دیکھے کارواں
اب ذکرِ وصل سے بھی یہاں ڈر لگے مجھے
یہ معجزہ جنوں کا ہے یا عشق کا کمال
دیوار اپنی راہ کی بھی در لگے مجھے
اتریں صحیفے پیار کے دل پہ ترے قمر
تُو کیوں نہ چاہتوں کا پیمبر لگے مجھے
سید ارشاد قمر
سمجھوتہ
ایک سانحہ
