کراچی : (جیو ڈیسک)کراچی اورحیدرآباد سمیت سندھ کے مختلف شہروں میں یکے بعد دیگرے دیسی ساختہ دستی بموں کے اکیس دھماکے ہوئے ہیں۔ جس سے شہریوں میں خوف و ہراس پھیل گیا۔ دھماکوں میں چھ افراد زخمی ہوئے ، سکیورٹی ہائی الرٹ کردی گئی ہے۔حیدرآباد سمیت سندھ کے مختلف شہروں میں صبح کا آغاز دیسی ساختہ دھماکوں سے ہوا۔کراچی میں ایک،حیدرآباد میں چار ، لاڑکانہ میں دو، نواب شاہ ، دادو ، مٹیاری ۔ بدین ، مورو سکھر اور ٹھٹھہ میں بھی دھماکے ہوئے۔
یکے بعد دیگرے ہونے والے دیسی ساختہ بموں کے دھماکوں سے شہر ی خوف کے عالم میں گھروں سے باہرنکل آئے ۔ حیدرآباد میں ہونے والے دھماکوں میں تین افراد زخمی ہوئے ۔دھماکوں کے بعد امدادی کارروائیاں شروع کر دی گئیں ۔ بیشتر دھماکے بینکوں کے باہر ہوئے۔ دھماکوں کی ذمہ داری سندھ لبریشن آرمی نے قبول کرلی ہے۔
سپریم کورٹ کی تذلیل کسی صورت برداشت نہیں کرینگے۔ نواز شریف
دس سے زائد دہشت گردوں کے سر کی قیمت مقرر
