اے موت تمہیں بھلائے زمانے گزر گئے
Posted on May 14, 2012 By Adeel Webmaster خمار بارہ بنکوی
wait for death
اے موت تمہیں بھلائے زمانے, گزر گئے
آ جا کہ زہر کھائے زمانے گزر گئے
او جانے والے آ کہ تیرے انتظار میں
رستے کو گھر بنائے زمانے گزر گئے
غم ہے نہ اب خوشی ہے نہ اُمید ہے نہ یاس
سب سے نجات پائے زمانے گزر گئے
کیا لائق ستم بھی نہیں اب میں دوستو
پتھر بھی گھر میں آئے زمانے گزر گئے
جانِ بہار پھول نہیں، آدمی ہوں میں
آ جا کے مسکرائے زمانے گزر گئے
کیا کیا توقعات تھیں آہوں سے اے خمار
یہ تیر بھی چلائے زمانے گزر گئے
خمار بارہ بنکوی
اکیلے ہیں وہ اور جھنجھلا رہے ہیں
وہ ہیں پاس اور یاد آنے لگے ہیں
