اپنی دولت میں سے اللہ کی راہ میں خرچ کرنے والے لوگ عظیم ہوتے ہیں :چوہدری ثناء اللہ
Posted on May 24, 2012 By Geo Urdu گجرات
کھاریاں : اپنی دولت میں سے اللہ کی راہ میں خرچ کرنے والے لوگ عظیم ہوتے ہیں ، چوہدری ثناء اللہ آف تہال نے خانہ خدا کے لئے ذاتی اراضی وقف کی اور اپنی ذاتی گرہ سے مسجد بھی تعمیر کروائی ہم انہیں زبردست الفاظ میں خراج تحسین پیش کرتے ہیں ، ان خیالات کا اظہار معروف مذہبی و سماجی شخصیت محمد خلیل بھٹی طاہری نے کیا انہوں نے کہا کہ اللہ تعالیٰ کے گھر کے لئے اراضی وقف کر کے اور پھر ذاتی گرہ سے تعمیر بھی کر کے چوہدری ثناء اللہ نے اپنی آخرت سنوار لی ہے ، دعا ہے کہ اللہ تعالیٰ انہیں اس کار خیر کا اجر عظیم اور مزید نیکی کے کام کرنے کی توفیق بھی عطاء فرمائے آمین ۔
