انکار نہ اقرار بڑی دیر سے چپ ہیں
Posted on May 27, 2012 By Adeel Webmaster احمد فراذ
quietness
انکار نہ اقرار بڑی دیر سے چپ ہیں
کیا بات ہے سرکار بڑی دیر سے چپ ہیں
آسان نہ کر دی ہو کہیں موت نے مشکل
روتے ہوئے بیمار بڑی دیر سے چپ ہیں
اب کوئی اشارہ ہے نہ پیغام نہ آہٹ
بام و در و دیوار بڑی دیر سے چپ ہیں
ساقی یہ خاموشی بھی تو کچھ غور طلب ہے
ساقی ترے میخوار بڑی دیر سے چپ ہیں
یہ برق نشیمن پہ گری تھی کہ قفس پر
مرغان گرفتار بڑی دیر سے چپ ہیں
اس شہر میں ہر جنس بنی یوسف کنعاں
بازار کے بازار بڑی دیر سے چپ ہیں
پھر نعرہ مستانہ فراز آئو لگائیں
اہلِ رسن و دار بڑی دیر سے چپ ہیں
احمد فراز
جاناں جاناں
ابھی کچھ اور کرشمے غزل کے دیکھتے ہیں
