علامہ سید شاہ تراب الحق قادری گزشتہ چند ہفتوں سے بہت سخت بیمار ہیں
Posted on June 3, 2012 By Geo Urdu گجرات
جماعت اہلسنت پاکستان کراچی کے امیر حضرت علامہ سید شاہ تراب الحق قادری گزشتہ چند ہفتوں سے بہت سخت بیمار ہیں حضرت شاہ تراب الحق صاحب کی صحت یابی کے لئے اتوار کے روز شہر بھر میں دعائیہ تقاریب منعقد کی گئیں مرکزی تقریب علامہ سید شاہ تراب الحق قادری کی رہائش گاہ سے متصل جامع مسجد حبیب میں ہوئی جس میں سینکڑوں افراد نے شرکت کی اور حضرت شاہ صاحب کے لئے خصوصی دعا کی گئی۔جبکہ اسی ضمن میں ایک دوسری تقریب جامع مسجد خلفائے راشدین گلشن اقبال میں منعقد کی گئی جس میں حضرت علامہ مولانا کامران قادری صاحب نے پیر طریقت حضرت علامہ سید شاہ تراب الحق قادری صاحب کی صحت یابی کے لئے خصوصی دعا فرمائی۔
نماز عشا کے بعد جامع مسجد عثمان غنی ٹھٹھائی کمپائونڈ میں منعقد ہونے والی دعائیہ تقریب میں حافظ محمد بلال قادری نے سرکار صلی اللہ علیہ وسلم کی بارگاہ میں نذرانہ عقیدت پیش کیا جبکہ خصوصی دعا جمعیت اشاعت اہلسنت کے ناظم اعلی علامہ مولانا محمد عرفان قادری ضیائی صاحب نے فرمائی۔ تمام قارئین سے درخواست ہے کہ حضرت علامہ سید شاہ تراب الحق قادری صاحب کی صحتیابی کے لئے خصوصی دعا فرمائیں۔ شکریہ
